फास्ट ट्र्याक साढे तीन वर्षभित्र सक्ने लक्ष्य, काठमाडौंदेखि निजगढ एक घण्टामै !

2019-08-29
file photo

काठमाडौं - नेपाली सेनाले काठमाडाैं–तराई फास्ट ट्र्याक (दूर्त मार्ग) निर्माण साढे तीन वर्षभित्र सम्पन्न गर्ने जानकारी दिएको छ। सेनाले बुधबार पत्रकार सम्मेलनको आयोजना गरी आमजनताको चासो र राष्ट्रिय गौरवको सो आयोजना साढे तीन वर्षभित्र सक्ने जनाएको हो।

सैनिक प्रवक्ता सहायक रथी विज्ञानदेव पाण्डेले जनताको सेनाप्रतिको भरोसालाई कायम गर्न पनि यो आयोजना समयमै सक्नुपर्ने बताए। ‘जनताको भरोसाप्रति हामी सचेत छौँ, त्यसका लागि पनि आयोजना समयसीमाभित्रै सम्पन्न गर्नुपर्ने बाध्यता छ,’ उनले भने। यो जनताको विश्वास जित्ने अवसर पनि भएको उनको भनाइ थियो।

कोरियन परामर्शदाता सुसङ इन्जिनियरिङ एण्ड कन्सल्टिङ आयोजनाले डिपिआर तयार पारेर बुझाए पनि सरकारले लामो समयसम्म स्वीकृत नगरेपछि बीचमा काम अलमलिएको थियो। सरकारले हालै आयोजनाको डिपिआर स्वीकृत गरेपछि सेनाले बाँकी काम अघि बढाउने तयारी गरेको छ।

सरकारले फास्ट ट्र्याक निर्माणको जिम्मा दिने निर्णय गरेसँगै सेनाले एसियाली विकास बैंक (एडिबी) को सम्भाव्यता अध्ययनका आधारमा दू्रतमार्ग निर्माणको काम अघि बढाइसकेको छ। हालसम्म सेनाले निर्माण सुपरीवेक्षण क्याम्प ल्याव भवन निर्माण, बेलिवृज निर्माण गर्नेलगायतका काम सत प्रतिशत पूरा भएको जनाएको छ भने रूख कटान, जग्गा अधिग्रहण, अर्थवर्क कटिङ र फिलिङको काम पनि भइरहेको जनाएको छ।

एसियन राजमार्गस्तरको ७२.५ किलोमिटर लामो द्रूत मार्ग निर्माणका लागि सेनाले कुल एक खर्ब ७५ अर्ब रुपैयाँ लागत लाग्ने जनाएको छ। यो रकम आयोजना निर्माण गर्ने सहमति हुँदाको भन्दा झण्डै अर्ब बढी हो। सेनालाई उक्त आयोजना हस्तान्तरण गर्ने बेला आयोजनाको लागत एक खर्ब १२ अर्ब हुने अनुमान गरिएको थियो। सेनाले तत्कालीन अवस्था र अहिलेको अवस्थामा लागत बढी हुनुलाई स्वाभाविक भनेको छ।

डिपिआरअन्तर्गत फास्ट ट्र्याकको प्रस्तान बिन्दु खोकना राखिएको छ। चार लेनको उक्त सडकको अन्तिम बिन्दु निजगढ हुनेछ। उक्त आयोजनामा कुल ८७ वटा पुल रहने सेनाले जनाएको छ। त्यसमध्ये १६ वटा विशेष प्रकृतिका पुल हुनेछन्। पुलको कुल लम्बाइ साढे १० किलोमिटर हुनेछ। आयोजनामा झण्डै साढे ६ किलोमिटरका तीनवटा सुरुङ राखिने जनाइएको छ। आयोजनाको महादेवडाँडा, धेन्द्रे र लेनडाँडामा सुरुङ राखिने विस्तृत परियोजना रिपोर्ट (डिपिआर) मा उल्लेख गरिएको छ। सुरुङ निर्माणबाट आयोजनाको दूरी कम हुने सेनाले जनाएको छ। सुरुमा आयोजनाको दूरी ७६ दशमलव २ किलोमिटर रहेकोमा घटेर ७२ दशमलव ५ किलोमिटर तय भएको हो।

आयोजना सम्पन्न भएसँगै काठमाडौंदेखि निजगढ एक घण्टा दुई मिनेटमा पुग्न सकिनेछ। आयोजना निर्माण भएसँगै काठमाडौंदेखि तराईको यात्रा समय ७ घण्टा छोटिनेछ भने इन्धन खपत र ढुवानी खर्च उल्लेख्य घट्ने जनाइएको छ।
सरकारले २०७४ वैशाख २१ गतेको मन्त्रिपरिषद्को निणर्य अनुसार २०७४ साउन २७ गते उक्त आयोजना निर्माणको जिम्मा नेपाली सेनालाई दिएको थियो। विसं. २०४९ सालबाट डेनिस सहयोग नियोग डानिडाको सम्भाव्यता अध्ययनबाट सुरु भएको आयोजना निर्माण प्रक्रिया २०७० मा सेनाले पाइलट ट्र्याक खोलेपछि औपचारिक रूपमा सुरु भएको थियो।

यसअघि फास्ट ट्र्याकको डिपिआर भारतीय कम्पनी आइएल एन्ड एफएसले तयार पारे पनि सेनाले आयोजना निर्माणको जिम्मेवारी पाएपछि सो डिपीआर महँगो भएको भन्दै आफैंले निर्माण गर्ने निर्णय गरेको थियो। सेनाले १० करोडको लागतमा कोरियन कम्पनीमार्फत नयाँ डिपिआर तयार पारेको हो।

 

नागरिक




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ


पोखरा उच्च अदालतका न्यायाधीश बर्खास्त, यस्तो छ कारण !

काठमाडौं - क्षेत्राधिकार मिचेर मुद्दामा अन्तरिम आदेश दिएको सुनुवाइ आरोप लागेका उच्च अदालत पोखराका न्यायाधीश नरबहादुर शाहीलाई सेवाबाटै बर्खास्त गर्ने निर्णय न्याय परिषद्ले गरेको छ। बिहीबारको

सीको भ्रमण फलदायी बनेको चिनियाँ उच्च अधिकारीको समिक्षा

काठमाडौं - चिनियाँ राष्ट्रपति सी चिनफिङको नेपाल भ्रमण रणनीतिक साझेदारीमा उक्लिन सफल रहेको निष्कर्ष बेइजिङले निकालेको छ। नेपालसँगको विकास, आर्थिक सहकार्यअन्तर्गत विस्तृत साझेदारी हुँदै रणनीतिक

एमबिबिएस र बिडिएस अध्ययनको शुल्क बढाइयो

काठमाडौँ - चिकित्सा शिक्षा आयोगले एमबिबिएस र बिडिएस अध्ययनको शुल्क वृद्धि गरेको छ । अब एमबिबिएस पढ्न विद्यार्थीले उपत्यकाभित्र ४० लाख २३ हजार दुई सय ५०

उपनिर्वाचनको कार्यतालिका सार्वजनिक, कहाँ-कहाँ हुँदैछ निर्वाचन ?

काठमाडौं - मंसिर १४ गते हुने उपनिर्वाचनका लागि निर्वाचन आयोगले निर्वाचन कार्यतालिका सार्वजनिक गरेको छ। एक प्रतिनिधिसभा, तीन प्रदेशसभा र ४८ स्थानीय तह गरी ५२

गुण्डा नाइके 'बाघे'सहित १८ बालुवा डिपोका सञ्चालक ठगीको अभियोगमा पक्राउ

काठमाडौं - गुन्डा नाइके ‘बाघे’ भनिने सन्देश लामासहित १८ वटा बालुवा डिपोका सञ्चालकहरुलाई प्रहरीले पक्राउ गरेको छ। महानगरीय अपराध महाशाखाको टोलीले उनीहरुलाई पक्राउ गरेको महानगरीय

सर्वोच्चको आदेशले झन्डै ३० हजार जनप्रतिनिधिले लिंदै आएको पारिश्रमिक रोक्का

काठमाडौं - स्थानीय तहका जनप्रतिनिधिले पारिश्रमिक लिन पाउने कानुन सर्वोच्च अदालतले खारेज गरिदिएको छ। प्रदेशले बनाएका त्यस्ता कानुन संविधानसँग बाझिएको निष्कर्ष संवैधानिक इजलासले निकालेको छ। २९

कुसुण्डा कसरी यताको समाजमा बिलिन भए ? ज्ञानीमैया कुसुन्डाको भोगाई अनि यात्रा यस्तो छ !

कुसुन्डा भाषा जान्ने दुईजनामध्ये एक हुन् दाङकी ज्ञानीमैया कुसुन्डा । ज्ञानीमैैया जंगलमै जन्मिइन्, जीवनको एक दशक जंगलमै बिताइन् । अहिले उनलाई एउटै चिन्ताले सताएको छ–

महराको स्वास्थ्य थप जटिल बनेपछि सिसियूमा सारियो

काठमाडाैं - संसद् सचिवालयमा कार्यरत महिला कर्मचारीमाथि जबरजस्ति करणी प्रयासको आरोप लागेर पक्राउ परेका निवर्तमान सभामुख कृष्णबहादुर महरालाई क्रिटिकल केयर युनिट (सिसियू)मा राखिएकाे छ। पक्राउ परेपछि