सञ्चारकर्ममा नै थप क्रियाशील हुने रवि लामिछानेको प्रतिबद्धता

2019-08-28

चितवन - हिरासतबाट धरौटीमा छुटेका टेलिभिजन कार्यक्रम प्रस्तोता रवि लामिछानेलाई उनका समर्थकले स्वागत गरेका छन् । चितवन जिल्ला अदालतको आदेशमा रिहा भएका लामिछानेले समर्थकको साथ र मायालाई आत्मसात् गर्दै सञ्चारकर्ममा नै थप क्रियाशील हुने प्रतिबद्धता व्यक्त गरेका छन् ।

लामिछाने र उनका सहकर्मी युवराज कँडेललाई स्वागत गर्न सयौँ समर्थक नारायणी नदी किनारमा भेला भएका थिए । आफ्ना पक्षमा बोल्ने समर्थकलाई मंगलबार दिउँसो दुई बजे लामिछानेले सभामा धन्यवाद दिए ।

मुद्दाको अन्तिम टुंगो नलाग्दासम्म यस विषयमा सार्वजनिक रूपमा आफ्ना प्रतिक्रिया राख्न नपाउने भनेर अदालतले रोक लगाएपछि उनले समर्थकको भूमिका र खराब राजनीतिबारे मात्रै बोलेका थिए । आफूले खेपेको मुद्दाबारे अहिले बोल्न नमिले पनि यस्तै मुद्दाका अन्य पीडितबारे आवाज उठाउने उनको भनाइ छ ।

‘निमुखाको पक्षमा बोल्छु’
गरिब र बेसहारा नागरिकको पक्षमा आवाज उठाउन आफूमा शक्ति थपिएको लामिछानेले बताए । उनले मंगलबार नै घाइते समर्थकलाई अस्पतालमा गएर भेटेर स्वास्थ्य लाभको कामना गरेका छन् । घाइतेको उपचार र पक्राउ परेका समर्थकको रिहाइको माग गरिने उनले प्रतिबद्धता पनि जनाए ।

जनप्रतिनिधिहरू इमानदार भए आफू सञ्चार क्षेत्रमै रहेर काम गर्ने बताए । ‘नीति निर्माणमा पुगेका मानिसलाई अझ बढी खबरदारी गर्दै जानेछौँ,’ उनले भने । कँडेलले पनि समर्थकले गरेको खबरदारी कहिल्यै नभुल्ने बताए । अदालतले आफूहरूलाई न्याय दिने विश्वास गर्दै उनले समर्थकको माया र साथबाट ऊर्जा मिलेको बताए ।

आत्महत्या दुरुत्साहनको मुद्दा खेपिरहेका लामिछानेलाई अदालतले पाँच लाख, कँडेललाई तीन लाख र अस्मिता कार्कीलाई साधारण तारेखमा सोमबार साँझ रिहा गरेको थियो । पत्रकार शालिकराम पुडासैनीलाई आत्महत्या गर्न दुरुत्साहन गरेको आरोपमा उनीहरूलाई चितवन प्रहरीले साउन ३० गते काठमाडौंबाट पक्राउ गरेर चितवन ल्याएको थियो ।

निषेधाज्ञा आदेश फिर्ता
जिल्ला प्रशासन कार्यालय चितवनले भदौ १० गते बिहान ६ बजेबाट लागू गरेको निषेधाज्ञा आदेश भदौ १० गते मंगलबारको जिल्ला सुरक्षा समितिको बैठकले फिर्ता भएको जानकारी दिएको छ । सहायक प्रमुख जिल्ला अधिकारी जनकराज पन्तले नौ गते अदालतको आदेशका कारण लामिछानेका समर्थकले शान्ति भाँड्न सक्ने भनी लगाएको निषेधाज्ञा आदेश फिर्ता लिएको बताएका हुन् ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ