भिडियोकलबाटै मन्त्रिपरिषद्‌को बैठक, प्रधानमन्त्रीको स्वास्थ्य अवस्था यस्तो !

2019-08-27

काठमाडौं - सोमबार नेपालको इतिहासमै पहिलोपटक मन्त्रिपरिषद्‌को बैठक भिडियो कन्फ्रेन्समार्फत बस्यो। स्वास्थ्य उपचारका लागि प्रधानमन्त्री केपी शर्मा ओली सिंगापुरमा रहेकोले बैठक भिडियो कन्फ्रेन्समार्फत बसेको हो।

भिडियो कन्फ्रेन्समा प्रधानमन्त्री ओली सिंगापुरबाट र मन्त्रिपरिषद्‌का अन्य सदस्यहरु सिंहदरबारबाट जोडिएका थिए। इतिहासमै पहिलोपटक भिडियो कन्फ्रेन्सबाट बैठक बस्ने भन्दै प्रचारबाजी गरिए पनि बैठक प्रधानमन्त्रीको स्वास्थ्य अवस्था जानकारी लिनमा मात्रै सीमित भएको छ।

प्रधानमन्त्री ओलीले सोमबार मध्यान्ह प्रधानमन्त्री कार्यालय सिंहदरबारमा डाकेको बैठकमा कुनै पनि निर्णय नभएको एक मन्त्रीले जानकारी दिए। उनले भने, 'कुनै निर्णय भएन। प्रधानमन्त्रीसँग कुरा मात्रै भयो।'

सिंगापुरबाट भिडियो कलमा जोडिएका प्रधानमन्त्री ओलीसँग मन्त्रीहरुले स्वास्थ्य अवस्थाको जानकारी लिएका थिए।

यसबाहेक देशको पछिल्लो राजनीतिक अवस्थाको समेत प्रधानमन्त्रीलाई जानकारी गराइएको ती मन्त्रीले बताए। उनले भने, ‘यहाँको राजनीतिक स्थिति र प्रधानमन्त्रीको स्वास्थ्य अवस्थाबारे मात्रै कुरा भयो।’

निर्णयका लागि मन्त्रिपरिषद्‌को बैठकमा कुनै पनि एजेन्डामाथि छलफल नभएको बताइएको छ।

मन्त्रिपरिषद् बैठकको अध्यक्षता भिडियो कन्फ्रेन्सबाटै प्रधानमन्त्री ओलीले गरेका थिए। प्रधानमन्त्री ओली नेपाल नफर्किन्जेल यसपछि बस्ने सबै बैठकहरु भिडियो कन्फ्रेन्समार्फत नै हुनेछन्। सोमबार र बिहीबार मन्त्रिपरिषद्‌को बैठक बस्ने प्रचलन छ।

प्रधानमन्त्री ओली उपचारमा जानुअघि बसेको मन्त्रिपरिषद्‌को बैठकले कार्यविधि संशोधन गरी भिडियो कन्फ्रेन्समार्फत् मन्त्रिपरिषद् बैठक गर्ने निर्णय गरेको थियो।

भदौ ५ गते सिंगापुर गएका प्रधानमन्त्रीको फर्किने मिति भने लम्बिनसक्ने बताइएको छ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ


पोखरा उच्च अदालतका न्यायाधीश बर्खास्त, यस्तो छ कारण !

काठमाडौं - क्षेत्राधिकार मिचेर मुद्दामा अन्तरिम आदेश दिएको सुनुवाइ आरोप लागेका उच्च अदालत पोखराका न्यायाधीश नरबहादुर शाहीलाई सेवाबाटै बर्खास्त गर्ने निर्णय न्याय परिषद्ले गरेको छ। बिहीबारको

सीको भ्रमण फलदायी बनेको चिनियाँ उच्च अधिकारीको समिक्षा

काठमाडौं - चिनियाँ राष्ट्रपति सी चिनफिङको नेपाल भ्रमण रणनीतिक साझेदारीमा उक्लिन सफल रहेको निष्कर्ष बेइजिङले निकालेको छ। नेपालसँगको विकास, आर्थिक सहकार्यअन्तर्गत विस्तृत साझेदारी हुँदै रणनीतिक

एमबिबिएस र बिडिएस अध्ययनको शुल्क बढाइयो

काठमाडौँ - चिकित्सा शिक्षा आयोगले एमबिबिएस र बिडिएस अध्ययनको शुल्क वृद्धि गरेको छ । अब एमबिबिएस पढ्न विद्यार्थीले उपत्यकाभित्र ४० लाख २३ हजार दुई सय ५०

उपनिर्वाचनको कार्यतालिका सार्वजनिक, कहाँ-कहाँ हुँदैछ निर्वाचन ?

काठमाडौं - मंसिर १४ गते हुने उपनिर्वाचनका लागि निर्वाचन आयोगले निर्वाचन कार्यतालिका सार्वजनिक गरेको छ। एक प्रतिनिधिसभा, तीन प्रदेशसभा र ४८ स्थानीय तह गरी ५२

गुण्डा नाइके 'बाघे'सहित १८ बालुवा डिपोका सञ्चालक ठगीको अभियोगमा पक्राउ

काठमाडौं - गुन्डा नाइके ‘बाघे’ भनिने सन्देश लामासहित १८ वटा बालुवा डिपोका सञ्चालकहरुलाई प्रहरीले पक्राउ गरेको छ। महानगरीय अपराध महाशाखाको टोलीले उनीहरुलाई पक्राउ गरेको महानगरीय

सर्वोच्चको आदेशले झन्डै ३० हजार जनप्रतिनिधिले लिंदै आएको पारिश्रमिक रोक्का

काठमाडौं - स्थानीय तहका जनप्रतिनिधिले पारिश्रमिक लिन पाउने कानुन सर्वोच्च अदालतले खारेज गरिदिएको छ। प्रदेशले बनाएका त्यस्ता कानुन संविधानसँग बाझिएको निष्कर्ष संवैधानिक इजलासले निकालेको छ। २९

कुसुण्डा कसरी यताको समाजमा बिलिन भए ? ज्ञानीमैया कुसुन्डाको भोगाई अनि यात्रा यस्तो छ !

कुसुन्डा भाषा जान्ने दुईजनामध्ये एक हुन् दाङकी ज्ञानीमैया कुसुन्डा । ज्ञानीमैैया जंगलमै जन्मिइन्, जीवनको एक दशक जंगलमै बिताइन् । अहिले उनलाई एउटै चिन्ताले सताएको छ–

महराको स्वास्थ्य थप जटिल बनेपछि सिसियूमा सारियो

काठमाडाैं - संसद् सचिवालयमा कार्यरत महिला कर्मचारीमाथि जबरजस्ति करणी प्रयासको आरोप लागेर पक्राउ परेका निवर्तमान सभामुख कृष्णबहादुर महरालाई क्रिटिकल केयर युनिट (सिसियू)मा राखिएकाे छ। पक्राउ परेपछि