केन्याको लागुऔषध गिरोहमा नेपाली युवती, भारतीय मुलका गिरोह नाइके केन्यामै शक्तिशाली !

2019-08-25

केन्या - केन्याको एक संगठित र ठूलो लागुऔषध माफियाको गिरोहमा एक नेपाली युवतीसमेत संलग्न रहेको खुलेको छ । भारतीय मूलका विवादास्पद व्यापारी अली पुन्जानीको गिरोहमा नेपाली युवती सुस्मिता कार्कीको संलग्नता खुलेपछि उनीमाथि केन्या प्रहरीले अनुसन्धान अघि बढाएको छ ।

मोम्बासा सहरमा रहेको पुन्जानीको घरबाट गत १३ अगस्टमा कार्कीसहित तीनजनालाई प्रहरीले पक्राउ गरेको थियो । पर्याप्त प्रमाण नभएको भन्दै अदालतको आदेशमा उनी दुई दिनपछि छुटेकी छिन् । थप अनुसन्धान गरी उनीमाथि मुद्दा दायर हुने केन्या प्रहरीलाई उद्धृत गर्दै यहाँका सञ्चारमाध्यमले जनाएका छन् । पक्राउ परेपछि कार्कीले आफू पुन्जानीको श्रीमती भएको बताएकी छिन् । उनको घरबाट नेपाली युवक शिव बस्याल र भारतीय नागरिक राम मनोजसमेत पक्राउ परेका थिए । बस्याल र मनोज घरेलु कामदार हुन् । उनीहरू तीनैजना अदालतको आदेशमा छुटेका छन् ।

भारतीय मूलका व्यापारी पुञ्जानी फरार
केन्याको दोस्रो ठूलो सहर मोम्बासामा बस्दै आएका भारतीय मूलका व्यापारी पुञ्जानी हाल फरार छन् । लागुऔषध मुद्दामा केन्या प्रहरीले उनीमाथि वारेन्ट जारी गरिसकेको छ । उनीमाथि पहिलेदेखि नै अवैध गतिविधिमा संलग्न भएको आरोप लाग्दै आए पनि अहिलेसम्म लागुऔषध तस्करीको मुद्दा दायर भएको छैन । उनको अवैध धन्दामा राजनीतिक तथा प्रहरीको संरक्षण रहेको भन्दै कारबाहीका लागि यहाँको संसद्मा माग भएको थियो ।

केन्याको उच्च तहसँगको पहुँचका आधारमा उनले उन्मुक्ति पाउँदै आएको केन्याका सञ्चारमाध्यमले जनाएका छन् । उनका सहयोगीहरू पटक–पटक ठूलो मात्रामा कोकिन र हेरोइनसहित पक्राउ पर्दै आएका छन् ।

गत १३ अगस्तमा १२ घन्टा लगाएर प्रहरीले पुञ्जानीको घरमा छापा मारेको थियो । उनको घरमा ठूलो मात्रामा लागुऔषध रहेको आशंका छापा मारिएको थियो । तर, थोरै गाँजा मात्र भेटिएको थियो । तस्करीमा सघाएको आरोपमा कार्कीसहित तीनजनालाई प्रहरीले नियन्त्रणमा लिएर अदालतमा पेस गरेकोमा लागुऔषध बरामद नभएपछि उनीहरू छुटेका हुन् ।

लागुऔषध कारोबारविरुद्ध केन्या सरकारले थालेको अभियानअन्तर्गत उनको घरमा छापा हानिएको थियो । तर, पुञ्जानीले प्रहरीबाट त्यसबारे पहिले नै सूचना पाएको र भारतमा भागेको केन्याका सञ्चारमाध्यमले उल्लेख गरेका छन् । सोही अभियोगमा मोम्बासाका केही उच्च प्रहरी अधिकारीको सरुवा गर्न लागिएको छ । मोम्बासा सहरकै सबैभन्दा धनाढ्यका रूपमा चिनिएका उनीमाथि नक्कली नोट कारोबारको आरोपसमेत लाग्दै आएको छ ।

पुञ्जानीको गिरोहमा कसरी पुगिन् नेपाली युवती ?
पुञ्जानीको गिरोहमा नेपाली युवती कसरी जोडिइन् भन्ने प्रस्ट हुन सकेको छैन । केन्याका एक गैरआवासीय नेपालीका अनुसार पुञ्जानी नेपाल गएका वेला मन पराएर उनले कार्कीलाई ल्याएको चर्चा छ । उनी डिपेन्डेन्ट भिसामा केन्यामा बस्दै आएकी छिन् । २४ वर्षीया कार्की पुञ्जानीकी तेस्री श्रीमती भएको चर्चा पनि छ । यसअघि पुञ्जानीले किम शर्मा नामक भारतीय अभिनेत्रीसँग बिहे गरेका थिए ।

आफ्नो पहुँच प्रयोग गरेर नै पुञ्जानीले कार्कीलगायतलाई छुटाएको आशंका गरिएको छ । प्रमाण संकलनका लागि समय नै नदिई अदालतले उनीहरूलाई छाडेको भन्दै यो प्रकरण विवादमा समेत तानिएको छ । छुटेलगत्तै उनीहरूलाई फेरि पक्राउ गर्न प्रहरी पुगे पनि उनीहरू असफल भएका थिए । थप अनुसन्धान गरी उनीहरूविरुद्ध मुद्दा चलाइने अनुसन्धान अधिकृतले बताएका छन् ।

पुञ्जानी अमेरिकामा समेत ‘वान्टेड’ व्यक्ति हुन् । अमेरिकामा बरामद भएको हेरोइन उनले पठाएको खुलेपछि चार वर्षअघि उनीविरुद्ध वारेन्ट जारी भएको हो । केन्यामा उनी निकै प्रभावशाली व्यक्ति हुन् । यहाँको राष्ट्रपति चुनावमा आफूनिकट व्यक्तिलाई जिताउन उनले करोडौँ लगानी गर्छन् । राजनीतिक तथा प्रहरी नेतृत्वसँग निकटतम सम्बन्ध भएकाले उनले संरक्षण पाउँदै आएका छन् । सन् २०१३ मा प्रहरीलाई उनले १० वटा भ्यान उपहार दिएका थिए । ती भ्यानमै लागुऔषध तस्करी हुने गरेको आरोप लागेको थियो । प्रहरीलाई प्रभावमा पारेकाले नै उनको बंगलाको सुरक्षामा एक दर्जनभन्दा बढी प्रहरी खटिएका थिए ।

गत वर्ष नेपाली युवतीहरू काम गर्ने केन्याका डान्स बारमा उनकै निर्देशनमा छापा हानिएको केन्याको डेली नेसन पत्रिकाले लेखेको छ । उसका अनुसार नेपाली युवतीहरू कार्यरत डान्स बारमा धेरै व्यापार भएपछि पुञ्जानीनिकट व्यवसायीहरूको डान्स बारको व्यापार खस्किएको थियो । सोही कारण उनले स्थानीय प्रहरीलाई प्रभावमा पारी छापा हान्न लगाएका थिए । त्यसवेला सातजना नेपाली युवती पक्राउ परेका थिए । पुञ्जानीलगायत विभिन्न माफिया समूहले चलाएका डान्स बारमा नेपाली युवतीको तस्करी हुने गरेको छ । पुञ्जानीले लागुऔषध ओसार–पसारमा पनि केही नेपालीलाई समेत प्रयोग गरेको आशंका गरिएको छ ।

 

नयाँ पत्रिका




थप समाचार


गोकुल बाँस्कोटालाई बर्खास्त गर्न साझा पार्टीको माग

गोकुल बाँस्कोटालाई बर्खास्त गर्न साझा पार्टीको माग

काठमाडौं - साझा पार्टीले सरकारका प्रवक्ता तथा सूचना तथा सञ्चार प्रविधिमन्त्री गोकुल बाँस्कोटालाई बर्खास्त गर्न माग गरेको छ। सेक्युरिटी प्रिन्टिङ प्रेस खरिदको सिलसिलामा बिचौलियासँग कमिसनको ...

बाँस्कोटालाई राजीनामा दिएर छानबिनमा सहयोग गर्न ऐन महरको सुझाव

बाँस्कोटालाई राजीनामा दिएर छानबिनमा सहयोग गर्न ऐन महरको सुझाव

काठमाडौं - नेपाल कम्युनिष्ट पार्टीनिकट विद्यार्थी संगठन अनेरास्ववियुका संयोजक ऐन महरले सञ्चारमन्त्री गोकुल बाँस्कोटालाई राजीनामा दिएर छानबिनका लागि मार्गप्रशस्त गर्न सुझाएका छन्। सेक्युरिटी प्रेस खरिद ...

मिश्रले यसकारण लिक गरिदिए गोकुल बाँस्कोटासंगको घुसको अडियो सम्बाद !

मिश्रले यसकारण लिक गरिदिए गोकुल बाँस्कोटासंगको घुसको अडियो सम्बाद !

काठमाडौँ - सेक्युरिटी प्रेस स्थापना गर्नका लागि स्वीस कम्पनीका नेपाल प्रतिनिधिसँग सञ्चारमन्त्री गोकुल बाँस्कोटाबीच कथित रुपमा भएको कमिसनको ‘डिलिङ’को अडियो सार्वजनिक भएको छ । काभ्रेको ...





ट्रेन्डिङ


अडियो टेपबारे गोकुल बाँस्कोटाले दिए यस्तो प्रतिक्रिया

काठमाडौँ - एक स्वीस कम्पनीसँग ७० देखि ७५ करोड रुपैयाँ कमिसन आउँदा त्यसको ७० प्रतिशत कमिसन आफूलाई दिन बार्गेनिङ गर्दै गरेको अडिओ टेप सार्वजनिक भएपछि

संचारमन्त्री गोकुल बाँस्कोटाले ७० करोड घुस मागेको अडियो बाहिरियो (अडियो सहित)

काठमाडौं - सेक्युरिटी प्रिन्टिङ प्रेस खरिदमा सञ्चार तथा सूचना प्रविधिमन्त्री गोकुलप्रसाद बाँस्कोटाले स्वीस कम्पनीको एजेन्टसँग घुसको बार्गेनिङ गरेको अडियो सार्वजनिक भएको छ। मन्त्री बाँस्कोटाले सेक्युरिटी प्रेस

बाँस्कोटालाई राजीनामा दिएर छानबिनमा सहयोग गर्न ऐन महरको सुझाव

काठमाडौं - नेपाल कम्युनिष्ट पार्टीनिकट विद्यार्थी संगठन अनेरास्ववियुका संयोजक ऐन महरले सञ्चारमन्त्री गोकुल बाँस्कोटालाई राजीनामा दिएर छानबिनका लागि मार्गप्रशस्त गर्न सुझाएका छन्। सेक्युरिटी प्रेस खरिद

गोकुल बाँस्कोटालाई बर्खास्त गर्न साझा पार्टीको माग

काठमाडौं - साझा पार्टीले सरकारका प्रवक्ता तथा सूचना तथा सञ्चार प्रविधिमन्त्री गोकुल बाँस्कोटालाई बर्खास्त गर्न माग गरेको छ। सेक्युरिटी प्रिन्टिङ प्रेस खरिदको सिलसिलामा बिचौलियासँग कमिसनको

प्रधानमन्त्रीलाई डेढ महिना पहिले नै पुगेको थियो अडियो क्लिप

काठमाडौँ - स्वीस कम्पनीका नेपाल एजेण्ट प्रकाश शर्मा भनिने विजय प्रकाश मिश्रले बास्कोटासँग भएको कुराकानीको अडियो क्लिप करिब डेढ महिना पहिले नै प्रधानमन्त्री केपी शर्मा

गोकुल बाँस्कोटालाई बर्खास्त गर्न नेतृत्वलाई दबाब

काठमाडौं - सूचना तथा सञ्चार प्रविधिमन्त्री गोकुल बाँस्कोटालाई बर्खास्त गर्न नेकपा नेताहरुले बालुवाटारलाई दबाब दिएका छन्। घुस बार्गेनिङ गरेको अडियो सार्वजनिक भएपछि उनलाई तुरुन्तै मन्त्री

गोकुल बाँस्कोटालाई तत्काल बर्खास्त गरेर अनुसन्धान गर्न कांग्रेसको माग

काठमाडौँ - प्रमुख प्रतिपक्षी दल नेपाली काँग्रेसले सञ्चार तथा सूचना प्रविधिमन्त्री गोकुल बाँस्कोटालाई तत्काल बर्खास्त गरेर अनुसन्धान अगाडि बढाउन माग गरेको छ । काँग्रेस प्रवक्ता

मिश्रले यसकारण लिक गरिदिए गोकुल बाँस्कोटासंगको घुसको अडियो सम्बाद !

काठमाडौँ - सेक्युरिटी प्रेस स्थापना गर्नका लागि स्वीस कम्पनीका नेपाल प्रतिनिधिसँग सञ्चारमन्त्री गोकुल बाँस्कोटाबीच कथित रुपमा भएको कमिसनको ‘डिलिङ’को अडियो सार्वजनिक भएको छ । काभ्रेको

'भ्रष्ट्राचारीको मुख हेर्दिनँ' भन्ने प्रधानमन्त्रीले बोलीलाई व्यवहारमा लागू गरुन : नेविसंघ

काठमाडौं - नेपाली कांग्रेसको भ्रातृ संस्था नेपाल विद्यार्थी संघले सञ्चार तथा सूचना प्रविधिमन्त्री गोकुल बाँस्कोटालाई बर्खास्त गर्न माग गरेको छ। सेक्युरिटि प्रिन्टिङ प्रेस खरिद प्रक्रियाका

पर्वत बनाइयो अहिलेसम्मकै ठुलो खुकुरी

काठमाडौं - पर्वतको जलजला गाउँपालिका–२ मल्लाज माझफाँटका दुर्गाबहादुर सुनारले ८० किलोको खुकुरी निर्माण गरेका छन्। तीन महिनाको अवधिमा उनको नेतृत्वमा चार जनाको टोलीले हालसम्मकै सबैभन्दा