काठमाडौँ - सत्तारुढ नेपाल कम्युनिष्ट पार्टी (नेकपा)को सचिवालय बैठक आज बस्दैछ। हिजो बस्ने भनिएको बैठक स्थगित भएर आजको लागि बैठक बोलाइएको थियो । बैठक दिउँसो ३ बजे प्रधानमन्त्री निवास बालुवाटारमा बस्दैछ।

यसअघि १३ गतेको बैठकमा केन्द्रीय निकायहरुको एकीकरण, जिम्मेवारी निर्धारण र केन्द्रीय समिति सदस्यहरुको कार्यविभाजनका निम्ति उनीहरुको रुचिका प्राथमिकता सोध्ने निर्णय गरेको थियो।

पार्टीको केन्द्रीय निकाय अन्तर्गत केन्द्रीय सल्लाहकार समिति, राष्ट्रिय परिषद्, केन्द्रीय आयोगहरु, ज्येष्ठ कम्युनिस्ट मञ्च, केन्द्रीय विभागहरुको टुंगो लाग्न बाँकी छन्।

विशेषगरी स्कुल विभागको नेतृत्वमा ईश्वर पोखरेल र नारायणकाजी श्रेष्ठ दुवैको दाबी रहेको छ। त्यसका अतिरिक्त घनश्याम भुसाल तथा वेदुराम भुसालले पनि रुची देखाएका छन्। नेतृत्व टुंगो लगाउन नसक्दा नेकपाको सचिवालय बैठकहरु अनिर्णित हुँदै आएका थिए।