काठमाडौँ - बैंक तथा वित्तीय संस्था सम्बन्धी ऐन, २०७३ को संशोधन प्रस्ताव मन्त्रिपरिषद पुगेको छ । नेपाल राष्ट्र बैंकले पठाएको मस्यौदामा हेरफेर गरि अर्थमन्त्री डा. युवराज खतिवडाले मन्त्रीपरिषद्मा पेश गरेका हुन् ।

मन्त्रीपरिषद्बाट पास भएपछि अर्थमन्त्रीले ऎनलाई संसदमा पेश गर्नेछन् । संसदमा पेश गरिएको मस्यौदामा आवश्यक भए थप छलफलका लागि संसदीय समितिमा पठाइन्छ । समितिले संसदको पूर्ण सदनमा प्रतिवेदन पेश गरेपछि फेरि संसदमा छलफल हुनेछ । संसदको दुइतिहाइले पारित गरेपछि त्यसलाई प्रमाणीकरणका लागि राष्ट्रपति कहाँ पठाइनेछ । राष्ट्रपतिले प्रमाणीकरण गरेपछि ऎनले कानूनी रुप लिन्छ ।