ग्लोबल टी-२० क्रिकेट: सोमपाल सम्मिलित टिम फाइनलमा

2019-08-11

काठमाडौं - क्यानडामा भइरहेको ग्लोबल टी-२० क्रिकेटमा नेपालका बलर सोमपाल कामी सम्मिलित टिम विन्निपिग हक्स फाइनलमा पुगेको छ। दोस्रो क्वालिफायरमा हक्सले ब्राम्पटन वुल्भ्सलाई ७ विकेटले हराएको हो।

टस जितेर ब्याटिङ रोजेको वुल्भ्सले निर्धारित २० ओभरमा ७ विकेट जाँदा दुई सय रन बनाएको थियो। २ सय १ रनको लक्ष्य पछ्याएको हक्सले अन्तिम दुई ओभरमा २७ रन खाँचो थियो। हक्सले १९ औँ ओभरमा १४ रन र अन्तिम ओभरमा १३ रन बनाउँदै खेल जितेको हो।

हक्सका लागि जेपी डुमिनीले ३४ बलमा ५० रन र साइमन अन्वरले २३ बलमा ५२ रन बनाएका थिए।

सोमपाल कामी प्लेइङ ११ मा नभए पनि वैकल्पिक खेलाडीका रुपमा फिल्डिङमा आएका उनले एक महत्वपूर्ण क्याच लिएका थिए। १८ औँ ओभरको पाँचौँ बलमा साहिद अफ्रिदीको क्याच उनले लिएका हुन् । यसअघि एड्मोन्टन रोयल्सविरुद्ध खेलेका सोमपालले दुई ओभर बलिङ गरेर ३३ रन खर्चिएका थिए।

फाइनल खेल आइतबार राति हक्स र भ्यानकुभर नाइट्सबीच हुनेछ। भ्यानकुभरले पहिलो क्वालिफायरमा वुल्भ्सलाई ७७ रनले हराएर फाइनलमा पुगेको हो।

नेपाली युवा लेग स्पीनर सन्दीप लामिछाने पनि ग्लोबल टी-२० मा टोरन्टो नेशनल्सबाट खेलेका थिए । उनको टिम इलिमिनेटर खेलमा हक्ससँग नै पराजित भएको हो।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ