काठमाडौं - नेकपा केन्द्रीय सचिवालयको बैठकअघि बालुवाटारमा पूर्व एमाले नेताहरुको छुट्टै बैठक बसिरहेको छ । बिहान नौ बजेदेखि प्रधानमन्त्री निबासमा पूर्व एमाले नेताको छुट्टै बैठक बसेको हो । बैठकमा पार्टी अध्यक्षसमेत रहेका प्रधानमन्त्री केपी ओलीसहितका नेकपा सचिवालयमा रहेका पूर्व एमाले नेताहरुको सहभागिता छ ।

दिउँसो ३ बजे बालुवाटारमा नेकपा सचिवालयको बैठक बस्दैछ । नेकपामा स्कुल विभागमा तिब्र विवाद छ। पटक पटक बसेका बैठकमा स्कुल विभाग प्रमुख टुगो लाग्न सकेको छैन । श्रोतका अनुसार स्कुल विभागमा देखिएको विवादको विषयमा आइतबार बालुवाटारमा नेकपाका नेताहरुले तीन चरण छुट्टाछुट्टै छलफल गरेका थिए ।

बिहान अध्यक्षद्वय केपी ओली र पुष्पकमल दाहाल प्रचण्ड, दिउँसो प्रचण्ड र माधव नेपाल र साँझ पुनः ओली र प्रचण्डबीच छलफल भएको थियो । तर, स्कुल विभाग प्रमुख कसलाई बनाउने भन्ने विषयमा अझै नेताहरु निष्कर्षमा पुगिनसकेका श्रोतले जनाउको छ । स्कुल विभागमा सचिवालय सदस्यद्वय ईश्वर पोखरेल र नारायणकाजी श्रेष्ठको दाबी छ। पछिल्लो समय यसमा नेताहरु घनश्याम भुसाल र बेदुराम भुसालले आ आफ्नो दाबी प्रस्तुत गरेका छन् । पार्टीका बरिष्ठ नेता झलनाथ खनालले पनि स्कुल विभाग प्रमुखमा इच्छा देखाएका छन् । पूर्व माओवादी पक्षले स्कुल विभागमा ईश्वर पोखरेललाई स्कीकारेको छैन ।