काठमाडौ - एसिया कप छनोट क्रिकेटमा नेपालले सिंगापुरलाई ५ विकेटको फराकिलो अन्तरले हराएको छ । १ सय ५२ रनको लक्ष्य पाएको नेपालल २८ दशमलव १ ओभरमा ५ विकेट गुमाएर लक्ष्य भेटाएको हो । क्वालालम्पुरको यूकेए ओभलमा भएको क्रिकेटमा नेपालाई जिताउन अनिलकुमार शाहले सर्बाधिक ४३ रन बनाए । ३२ बलको सामना गरेका शाहले २ छक्का र ५ चौका हानेका थिए । यस्तै यस्तै दिपेन्द्रसिंह ऐरिले ३३, उपकप्तान ज्ञानेन्द्र मल्लले २९ रन बनाए । सागर पुन र सुवास खकुरेलले समान १४ रन बनाउदा कप्तान पारस खड्का ११ रन मात्र बनाउन सके ।

त्यअघि सिंगापुरले ४२ ओभरमा सबै विकेट गुमाएर १५१ रन बनाएको थियो । उसका लागि चेतन रामचन्द्र सूर्यवंशीले ६० रन बनाए । निकै खराब सुरुवात गरेको सिंगापुरले १८ रन जोड्दा ३ विकेट गुमाइसकेको थियो । तर, सूर्यवंशीले चौथो विकेटका लागि अनिश परमसँग ८० रनको साझेदारी गर्दै पारी सम्हाले । अनिश ३१ रनमा आउट भए । त्यसपछि नेपाली बदरहरु हाबी भए । नेपालका लागि सन्दीप लामिछाने र ललितनारायण राजवंशीले समान ३–३ विकेट लिए भने सोमपाल कामीले २ विकेट हात पारे । यो संगै नेपाल ४ अंकको साथ तेस्रो स्थानमा उक्लिएको छ भने रनरेट प्लस बनेको छ । अब नेपाल हङकङसँग खेल्न बाँकी छ । आगामी खेल जितेपनि एशिया कप खेल्नका लागि नेपाल अरु टिमको भर पर्नुपर्नेछ ।