काठमाडौं - नेपाल कम्युनिष्ट पार्टी (नेकपा)को विधानले भातृसंगठनमाथि खुकुलो नीति अपनाएको छ । यसअघि प्रस्तावित नीतिअनुसार भातृसंगठनका पदाधिकारीहरु जिल्ला समिति वा सो सरहको मर्यादाक्रममा राखिएको थियो भने पार्टी कमिटिको कुनै पनि निकायमा रहन नसक्ने व्यवस्था गरिएको थियो ।

अहिले भातृ संगठनका पदाधिकारी जुनसुकै कमिटिमा रहन पाउने र उसको मर्यादाक्रमको उसको कमिटि अनुसार हुने गरी नियमावली पारित भएको छ ।

यसअघि भातृ संगठनका नेताहरुले पार्टी कमिटिको हैसियत र जिल्ला समितिको स्ट्याटसप्रति विरोध गरेका थिए ।

यो सँगै भातृसंगठनका नेताहरुलाई पार्टीको जुनसुकै कमिटिमा समेत रहन पाउने अधिकार प्राप्त भएको छ ।

यस्तो हुनेछ कमिटि प्रणाली

केन्द्रीय कमिटी –४४१ ।
जिल्ला कमिटी– १२५ देखि २२५ सदस्यीय । (एकभन्दा बढी निर्वाचन क्षेत्र भएका जिल्लाको हकमा एक निर्वाचन क्षेत्र बराबर १० सदस्य थप हुनेछन् । यसो गर्दा सबैभन्दा बढी १० निर्वाचन क्षेत्र भएको काठमाडौंमा २२५ सदस्यीय जिल्ला कमिटी हुनेछ । )

प्रदेश कमिटी– १५१ (एक निर्वाचन क्षेत्र बराबर २ सदस्य थपिने ) ।
महानगर, नगर, गाउँ, वडा कमिटी–
महानगर कमिटी– ७५
उपमहानगर– ६१
गाउँपालिका –५१
वडा कमिटी २५
प्रारम्भिक कमिटी –१५ ।