एजेन्सी - अन्तराष्ट्रिय मैत्रीपुर्ण फुटबल खेलमा ब्राजिलले अष्ट्रियालाई ३–० ले पराजित गरेको छ । रसिया बिश्वकपमा समुह ई मा रहेको ब्राजिलले विश्वकपमा छनोट हुन नसकेको अष्ट्रियाविरुद्ध सहज जित हात पारेको हो ।

खेलको ३६ औं मिनेटमा जाब्रियल जिससको गोल मार्फत अग्रता बनाएको ब्राजिलका लागी नेयमारले अग्रता दोब्बर पारेका थिए । उनले ६३ औं मिनेटमा गोल गर्दै टोलीलाई २–० को अवस्थामा पुर्‍याए । ६९ औं मिनेटमा काउटिन्होले गोल गर्दै टोलीको जित फराकिलो पारेका थिए । ६५ प्रतिशत खेल आफ्नो नियन्त्रणमा राखेको ब्राजिलले अष्ट्रियाको पोष्टमा लगातार आक्रमण गरेको थियो ।

यद्यपि थप ७ प्रहार भने अष्ट्रियन गोलकिपरले बिफल तुल्याएका थिए । अन्तराष्ट्रिय मैत्रीपुर्ण फुटबलमा आज २ खेल हुनेछन् । साउथ कोरियाले सेनेगलको सामना गर्दा कोष्टारिका र बेल्जियम पनि आमने सामने हुनेछ ।