दाङ - नेपाल कम्युनिष्ट पार्टी (ने क पा)का जिल्लास्तरिय पार्टी एकता अबको तीन महिनाभित्र हुने भएको छ ।

दाङको तुलसीपुरमा आइतबार बिहान आयोजित साक्षात्कारमा नेकपाका नेता टेकबहादुर बस्नेतलेो भने ‘जिल्लामा पार्टीको संरचना कस्तो बन्ने भन्ने कुराको टुंगो लागिसकेको छ, ‘अब त्यही अनुसार प्रदेश इञ्चार्ज र संयोजकले गृहकार्य अगाडि बढाउने बताएका छन् ।’

तत्कालीन एमाले र माओवादीबीच जेठ ३ गते एकीकरण घोषणा गरिएको थियो । केन्द्रमा एकता भए पनि तल्लो तहसम्म अझै एकता भइसकेको छैन ।

नयाँ संरचनाअनुसार तीनै तहको सरकार गठन भइसकेको र कम्युनिष्टको सरकार भएकाले देश अब समृद्धिको मार्गमा अघि बढिसकेको बताए ।

‘बिगतका सरकार अस्थिर हुने भएकाले एउटा सरकारले गरेको काम अर्को सरकारले उल्टाउने प्रवृत्ति थियो,’ उनले भने, ‘तर अब पाँच वर्षमा कम्युनिष्टको स्थिर सरकार हुने भएकाले बिकास र समृद्धिको मार्गमा मुलुक अघि बढ्छ ।’