काठमाडौँ - नेपाली फिल्म ‘लिलीबिली’ का प्रदीप खड्का र जसिता गुरुङलाई लिएर नयाँ फिल्म ‘लभ स्टेसन’ बन्ने भएको छ ।

सुवाससिंह बस्नेतको लेखन रहने फिल्मको पटकथामा काम भइरहेको निर्माता गोविन्द शाहीले जनाए । ‘भदौ अन्तिम या त असोजदेखि छायांकनमा जाने लक्ष्य छ,’ पत्रकार सम्मेलनमा उनले भने, ‘फागुन २४ गते रिलिज तय गरेका छौं ।’

काफिया फिल्मस्को ब्यानरमा निर्माण हुने फिल्मका लागि बाँकी कलाकारहरु छनोट प्रक्रियामै रहेको शाहीले बताए । शाहीसँगै निर्देशक घिमिरे र क्रिसु शाही निर्माताका रूपमा छन् । ‘लभ स्टेसन’ घोषणा कार्यक्रममै ‘लिलीबिली’ को ५१ दिने केक पनि काटिएको थियो ।

फिल्मको निर्देशन उज्वल घिमिरेले गर्ने बताइएको छ ।