बार्सिलोनाले जित्यो ला लिगाको उपाधि, मेसीको ह्याट्रिक

2018-04-30

काठमाडौँ - यो सिजन घरेलु लिगमा अपराजित रहेको बार्सिलोनाले लियोनेल मेसीको ह्याट्रिकसँगै ला लिगाको उपाधि उचाल्न सफल भएको छ ।

बार्सिलोनाले २५ औँ ला लिगा उपाधि जित्ने क्रममा डेपोर्टिभो लाकुरानालाई उसैको घरेलु मैदानमा ४–२ गोलले पराजित गर्न सफल भएको हो ।

बार्सिलोनाले उपाधि जितेको दिने मेसीले पनि आफ्ना लागि विशेष बनाए । बार्सिलोनाका लागि पहिलो गोल फिलिपे काउटिन्होले गरे । उनले डेम्बेलेको पासमा सातौँ मिनेटमा यो गोल गरेका थिए ।

अर्कातिर मेसीले पहिलो व्यक्तिगत पहिलो गोल ३८ औँ मिनेटमा गरे । मेसीको ह्याट्रिकका लागि लुइस स्वारेजको योगदान रह्यो । तीनै गोलका लागि मेसीलाई उनैले अवसर दिलाए ।

पहिलो गोल ३८ औँ मिनेटमा गरेका मेसीले दोस्रो गोल ८२ औँ मिनेटमा गरे । त्यसपछि खेलको ८५ औँ मिनेटमा गोल गर्दै उनले ह्याट्रिक पुरा गरेका हुन् ।

पराजित डेपोर्टिभोका लागि लुकासले ४० औँ मिनेटमा र कोलाकले ६४ औँ मिनेटमा गोल गरे पनि मेसीलाई रोक्न नसक्दा पराजय भोग्न बाध्य भयो ।

बार्सिलोनाले चार खेल अगावै उपाधि जित्ने क्रममा ३४ खेलबाट ८६ अंक जोडेको छ । उसलाई पछ्याइरहेको एथ्लेटिको मड्रिडले ३५ खेलबाट ७५ अंक जोडेको छ । रियल मड्रिड भने ३४ खेलबाट ७१ अंकमा सीमित भएको छ । अबका बाँकी ३ खेल एथ्लेटिकोले जित्दा पनि बार्सिलोनासँग रहेको ११ अंकको दुरी भेट्न असम्भव भएसँगै बार्सिलोनाले चार खेल अगावै उपाधि उचालेको हो ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ