काठमाडौं - दुई ठुला वामघटकबिच पार्टी एकताको अन्तिम तयारी भइरहँदा नेकपा एमालेको भ्रातृ संगठन युवा संघ नेपालमा भने विभाजन आएको छ । युवा संघको नयाँ नेतृत्वको चर्चा चलिरहेका बेला नेता माधवकुमार नेपाल पक्षले युवा संघ विभाजन गर्दै समानान्तरु कमिटी घोषणा गरेका हुन् ।

मंगलबार मध्यान्ह पत्रकार सम्मेलन गरेर समानान्तर कमिटीको घोषणा गर्ने तयारी छ । अध्यक्ष राजीव पहारी, पूर्व अध्यक्ष महेश बस्नेतलगायतको समूह बामपन्थी एकतादेखि विधि र नियम मिच्न उद्दत रहेको ठहर गर्दै समानान्तर कमिटि गठनको निर्णय युवासंघका एक समस्यले बताए । युवा संघलाई राजनीतिक संगठन भन्दा लुटीखाने भाँडो बनाएर चलाएको ठहर नेपाल समूहको छ । नेपाल समुहमा युवा संघबाट उपाध्यक्ष दिलु पन्त, सचिव नरेश शाही, क्रान्ति बुर्लाकोटी लगायत रहेका छन् ।