वैदेशिक लगानी बढ्दा शोधनान्तर घाटामा सुधार

2021-11-17

काठमाडौं - चालु आर्थिक वर्षको पहिलो तीन महिनामा शोधनान्तर घाटा ७५ अर्ब १४ करोड रुपैयाँ पुगेको छ। शोधनान्तर घाटा अघिल्लो महिनाको तुलनामा केही घटेको छ। पहिलो दुई महिनामा ८३ अर्ब ४१ करोड पुगिसकेको शोधनान्तर घाटा तेस्रो महिनामा आइपुग्दा प्रत्यक्ष वैदेशिक लगानीमासुधार हुँदा सुधार आएको हो।

नेपालमा सोचे अनुरुप रेमिट्यान्स भित्रन नसक्दा पनि करिब पौने खर्बको शोधनान्तर घाटा रहेको हो। तीन महिनामा नेपालले ६५ अर्ब ५ करोडको सामान निर्यात गरेर ४ खर्ब ७८ अर्ब ५२ करोडको सामान आयात गरेको छ। तीन महिनाको व्यापार घाटा ४ खर्ब १३ अर्ब ४७ करोड रुपैयाँ छ। शोधनान्तर घाटाले नेपाल भित्रिने रकमभन्दा नेपालबाहिर जाने रकम बढी रहेको जनाउ दिन्छ।

तीन महिनामा नेपालमा खुद प्रत्यक्ष वैदेशिक लगानी अन्तर्गत ५ अर्ब ७ करोड रकम नेपाल भित्रिएको छ। वैदेशिक लगानी भने करिब ७५ प्रतिशतले वृद्धि भएको राष्ट्र बैंकले जनाएको छ।

चालु आवको पहिलो तीन महिनामा चालु खाता घाटा १ अर्ब २८ करोड घाटामा रहेको छ जुन अघिल्लो वर्ष सोही अवधिमा ३३ अर्ब ३८ करोड रुपैयाँले बचतमा थियो।

तीन महिनामा नेपालको कुल विदेशी विनिमय सञ्चिति १० अर्ब ९८ करोड कायम भएको छ। नेपालको आयात बढ्दै जाँदा विदेशी विनिमय सञ्चित घट्दै गएको हो।




थप समाचार


प्रधानन्यायाधीश विरुद्धका रिट दर्ता गर्न सर्वोच्चद्वारा अस्वीकार

प्रधानन्यायाधीश विरुद्धका रिट दर्ता गर्न सर्वोच्चद्वारा अस्वीकार

काठमाडौं - सर्वोच्च अदालत प्रशासनले प्रधानन्यायाधीश चोलेन्द्र शमशेर राणासँग जोडिएका २ थान रिट निवेदनलाई लामो समयपछि दरपिठ (दर्ता गर्न अस्वीकार) गरेको छ। सर्वोच्च अदालतका रजिष्ट्रार नारायण ...

सिनेमा, जिम तथा फुटसल माघ १५ सम्म बन्द गर्ने सरकारको निर्णय

सिनेमा, जिम तथा फुटसल माघ १५  सम्म बन्द गर्ने सरकारको निर्णय

काठमाडौं - कोरोना भाइरस संक्रमणको जोखिम कम गर्न भन्दै सरकारले मनरोञ्जन क्षेत्र र रात्रिकालीन व्यवसाय बन्द गर्ने निर्णय गरेको छ। मन्त्रिपरिषद्‌को बैठकले माघ १५ गते सम्मका ...

थप ४ हजार ९६१ जनामा कोरोना संक्रमण

थप ४ हजार ९६१ जनामा कोरोना संक्रमण

काठमाडौं - नेपालमा थप ४ हजार ९६१ जनामा कोरोना भाइरसको संक्रमण देखिएको छ। पछिल्लो २४ घण्टामा एन्टिजेन र पीसीआर विधिबाट १५ हजार १३१ नमूना परीक्षण ...




ट्रेन्डिङ