चेल्सीको मुख्य प्रशिक्षकमा टुचेल

2021-01-27

काठमाडौं - इंग्लिस चेल्सीको मुख्य प्रशिक्षकमा थोमस टुचेल नियुक्त भएका छन्। चेल्सीले पेरिस सेन्ट जर्मेन (पिएसजी) का पूर्वप्रशिक्षक टुचेललाई नियुक्त गरेको हो।

चेल्सीले मुख्य प्रशिक्षक फ्रान्क लाम्पार्डलाई बर्खास्त गरेको एक दिनपछि टुचेललाई १८ महिनाको लागि नियुक्त गरेको हो। तर चेल्सीले सम्झौता बढाउन सक्ने समेत उल्लेख गरेको छ। लाम्पार्डलाई पनि चेल्सीले नियुक्त गरेको १८ महिनामा हटाएको थियो। टुचेललाई नियुक्ती गरेसँगै चेल्सीले २००३ पछि ११ औं प्रशिक्षक फेरेको छ।

मुख्य प्रशिक्षकमा नियुक्त भएका टुचेलले लाम्पार्डप्रति आफ्नो सधैं सम्मान रहँने भन्दै चेल्सीको प्रशिक्षक बन्दा निकै उत्साहित भएको बताएका छन्।

पिएसजीलाई दुई पटक लिगको उपाधि दिलाएका ४७ वर्षीय टुचेलले भनेका छन्, ‘मेरो नयाँ टिमसँग भेट्न म निकै हतार छु। चेल्सी परिवारको सदस्य हुन पाउँदा म एकदमै खुशी छु।’

इंग्लिस प्रिमियर लिगमा चेल्सीले खराब प्रदर्शन गरिरहेको कारण ४२ वर्षीय प्रशिक्षक लाम्पार्डलाई हटाएको थियो। २०१९ को जुलाईमा माउरिजियो सारीको स्थानमा तीन वर्षका लागि मुख्य प्रशिक्षकमा लाम्पार्ड नियुक्त भएका थिए।

लाम्पार्डकै प्रशिक्षणमा चेल्सीले आइतबार राति एफए कप फुटबलमा लुटन टाउनलाई पराजित गर्दै पाँचौ चरणमा प्रवेश गरेको थियो। तर, प्रिमियर लिगमा चेल्सीले पछिल्लो समयमा एकपछि अर्को खेलमा खराब प्रदर्शन गरिरहेको छ। चेल्सीले प्रिमियर लिगमा खेलेको पछिल्लो आठ खेलमध्ये दुई खेलमा मात्रै जित निकाल्दा पाँच खेलमा हार व्यहोरेको छ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ