विधिवत रुपमा सत्ता हस्तान्तरण गर्ने ट्रम्पको प्रतिबद्धता

2021-01-08

वाशिङटन - अमेरिकी राष्ट्रपति डोनाल्ड ट्रम्पले विधिवत रुपमा नै जो बाइडेनलाई सत्ता हस्तान्तरण गर्ने प्रतिबद्धता जनाएका छन्। आफ्ना समर्थकहरुले संसद भवनमा आक्रमण गरेको एक दिनपछि उनले यस्तो प्रतिबद्धता जनाएका हुन्।

ट्वीटरमा पोस्ट गरिएको भिडियोमार्फत् सम्बोधन गर्दै उनले बुधबारको आक्रमणलाई ‘घृणित’ भनी टिप्पणी गरे।

उनले अब सहज र विधिवत रुपमा शक्ति हस्तान्तरण गर्न आफू केन्द्रित रहने पनि उल्लेख गरेका छन्। तर उनले आफ्ना समर्थकहरुको प्रशंसा गर्न भने चुकेनन्। उनले प्रतिबद्धता जनाउँदै भनेका छन्, ‘हाम्रो अभूतपूर्व यात्रा मात्र सुरुवात हो।’

कानुनी मतमात्र गणना गरिएको सुनिश्चित गर्न आफ्नो लडाइँ जारी राख्ने पनि उनले बताएका छन्।

संसदको संयुक्त बैठकमा बुधबार दिउँसोदेखि सुरु भएको इलेक्टोरल मत गणनाको प्रकृया बिहीबार विहान सकिएको थियो। अमेरिकी राष्ट्रपतिमा जो बाइडेनको जीतलाई रोक्ने डोनाल्ड ट्रम्प र उनका पक्षधरको अन्तिम प्रयासलाई असफल पार्दै अमेरिकी संसदको संयुक्त बैठकले अमेरिकी राष्ट्रपतिमा जो बाइडेनको जीतको औपचारिक घोषणा गरेको हो।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ