काठमाडौं - भक्तपुर चाँगुनारायणस्थित नेपाल इन्जिनियरिङ कलेजका पूर्व अध्यक्ष लम्बोदर न्यौपाने पक्राउ परेका छन् । उनलाई काठमाडौंको चण्डोलबाट पक्राउ गरिएको केन्द्रीय अनुसन्धान व्यूरोका डिआईजी सहकुल थापाले जानकारी दिए ।

क्याम्पस संचालक समितीको अध्यक्ष हुँदा न्यौपानेले अनधिकृत रुपमा रकम हिनामिना गरेको र गाडी किनेर आफ्नो नाममा नामसारी गरेर ठगि गरेको आरोप लागेको छ ।

रामेछाप घर भएका न्यौपाने काठमाडौंको चण्डोल बस्थे ।

६४ वर्षीय लम्बोदरले संगठित रुपमा ठगी गरेर क्याम्पसलाई ८ करोड २१ लाख र बेरुजु सहित २३ करोड दश लाख ठगी गरेको प्रहरी अनुसन्धानबाट थाहा भएको छ ।

उनीविरुद्ध अख्तियारका तत्कालिन आयुक्त राजनारायण पाठकसँगै ‘घुस रिसवत’ मुद्धा दायर समेत भएको थियो । विशेष अदालतबाट धरौटीमा रिहा भएका उनको सो मुद्धा विचाराधीन छ ।