दिल्ली पहिलो पटक आइपिएलको फाइनलमा, उपाधिको लागि मुम्बईसंग भिड्ने

2020-11-09

काठमाडौं - दिल्ली क्यापिटल्स पहिलो पटक इन्डियन प्रिमियर लिग (आइपिएल) क्रिकेटको फाइनलमा पुगेको छ। आइतबार राति भएको प्लेअफको दोस्रो क्वालिफायरमा सनराइजर्स हैदरावादलाई १७ रनले पराजित गर्दै दिल्ली फाइनलमा प्रवेश गरेको हो।

दिल्लीले इतिहास रच्दै पहिलो पटक फाइनल प्रवेश गरेको हो। अब आइपिएलको उपाधिको लागि दिल्लीले मंगलबार राति साविक विजेता मुम्बई इन्डियन्ससँग प्रतिस्पर्धा गर्नेछ। १९० रनको चुनौती पछ्याउँदै ब्याटिङ गरेको हैदरावादले निर्धारित २० ओभरमा ८ विकेटको क्षतिमा १७२ रन मात्रै बनाउन सक्यो।

हैदरावादका लागि केन विलियम्सनले उत्कृष्ट प्रदर्शन गरे। उनले ४५ बलमा पाँच चौका र चार छक्काको मद्दतमा ६७ रन बनाएपनि टिमलाई जिताउन सकेनन्। उनले अब्दुल सामदसँग ५७ रनको साझेदारी गर्दै जिततर्फ लगेका थिए तर केन विलियम्सन आउट भएसँगै हैदरावाद हार्न पुग्यो। अब्दुलले ३३, मनिष पाण्डेले २१ र प्रियम गार्गले १७ रनको योगदान दिए।

दिल्लीको जितमा बलिङतर्फ मुख्य भूमिका खेले मार्कस स्टोइनिस र कागिसो रबडाले। रबडाले चार ओभरमा २९ रन खर्चिएर चार विकेट लिए। त्यस्तै, स्टोइनिसले तीन ओभरमा २६ रन खर्चिएर तीन विकेट लिए।

अबुधावीमा यसअघि टस जितेर पहिले ब्याटिङ थालेको दिल्लीले निर्धारित २० ओभरमा तीन विकेटको क्षतिमा १८९ रन बनाएको थियो। दिल्लीका लागि शिखर धवन, सिमरन हिटम्यर र मार्कस स्टोइनिसले उत्कृष्ट प्रदर्शन गरे। शिखर धवनले ५० बलमा ६ चौका र दुई छक्काको मद्दतमा ७८ रन बनाए। त्यस्तै, सिमरनले २२ बलमा अविजित ४२ रन बनाउँदा स्टोइनिसले २७ बलमा ३८ र कप्तान श्रेयस ऐयरले २१ रनको योगदान दिए।

धवन र स्टोइनिसले पहिलो विकेटको लागि ८६ रनको साँझेदारी गर्दै दिल्लीलाई उत्कृष्ट सुरुवात दिलाएका थिए। बलिङतर्फ राशिद खान, जासन होल्डर र सन्दीप शर्माले समान १–१ विकेट लिए।




थप समाचार


बार्सिलोनालाई हराउँदै बिल्बाओले जित्यो स्पानिस कपको उपाधि, मेसीलाई रातो कार्ड

बार्सिलोनालाई हराउँदै बिल्बाओले जित्यो स्पानिस कपको उपाधि, मेसीलाई रातो कार्ड

काठमाडौं - बार्सिलोनालाई पराजित गर्दै एथ्लेटिक बिल्बाओले स्पानिस सुपर कप फुटबलको उपाधि जितेको छ । आइतबार राति भएको फाइनलमा दश खेलाडीमा समेटिएको बार्सिलोनालाई अतिरिक्त समयमा ३-२ ...

सोमपाल, करण र कुशलले टि–१० लिग खेल्ने

सोमपाल, करण र कुशलले टि–१० लिग खेल्ने

काठमाडौं - नेपाली राष्ट्रिय क्रिकेट टिमका सोमपाल कामी, करण केसी र कुशल मल्लले युएईमा टि–१० क्रिकेट लिग खेल्ने भएका छन्। बुधबार राति भएको ड्राफ्टबाट तीन ...

फुटबलका बादशाह डिएगो म्याराडोनाको निधन

फुटबलका बादशाह डिएगो म्याराडोनाको निधन

काठमाडौं - फुटबल जगतका बादशाह डिएगो म्याराडोनाको बिहीबार निधन भएको छ। अर्जेन्टिनाका राष्ट्रिय टिमका पूर्व मिडफिल्डर तथा म्यानेजर म्याराडोनाको ६० वर्षको उमेरमा निधन भएकाे बिबिसीले ...




ट्रेन्डिङ


काठमाडौं महानगर भित्रका सबै स्कुलहरु खुल्ने

काठमाडौं - दश महिनापछि काठमाडौँ महानगरपालिकाले आफ्ना मातहतका सबै विद्यालयलाई सञ्चालनको बाटो खोलिदिएको छ। कोरोना महामारीका कारण गत चैत ७ गतेदेखि बन्द रहेका विद्यालय स्वास्थ्य

नेकपाको विभाजनलाई मान्यता दिन नमिल्ने निर्वाचन आयोगको निर्णय

काठमाडौं - निर्वाचन आयोगले नेकपाको दुवै पक्षको दावी अस्वीकार गर्ने निर्णय गरेको छ। नेकपाका दुवै पक्षले आयोगमा पेस गरेको कागजपत्र र जवाफका आधारमा आइतबार साँझ

प्रधानमन्त्री ओली दाङ जाँदै, नेपालकै दोस्रो लामो पुल उदघाटन गर्ने

काठमाडौं - प्रधानमन्त्री केपी शर्मा ओली आज लुम्बिनी प्रदेशको स्थायी राजधानी दाङ जाँदै छन् । दाङ देउखुरीस्थित राप्ती नदीमा बनेको नेपालको दोस्रो लामो पुल उदघाटन