देउखुरी समाचारदाता

देउखुरी, असोज । प्रदेश ५ को नाम लुम्बीनी स्थान दाङको भालुवाङ प्रस्ताव गरिएको नेपाली काँग्रेस दाङ क्षेत्र नम्बर १ ले स्वागत एवं समर्थन गरेको छ । नेपाली काँग्रेस दाङ क्षेत्र नम्बर १ क्षेत्रीय सभापती भेषराज पाण्डेले प्रेस बिज्ञप्पती जारी गर्दै बुशलता पुर्वक राजधानीको नाम र ठाउँ प्रस्ताव गरिएकोमा स्वागत एवं सम्मान गछौ, भनिएको छ ।

बिज्ञप्तीमा आफ्नो क्षेत्र र भेग तर्फ राजधानी हुनुपर्छ भनेर माग गर्नु सामान्य मानिएपनि प्रदेश ५ को राजधानी भौगोलिक हिसावले प्रस्तावीत ठाउँलाई कुशलता पूर्वक यकिन गरी निर्णयार्थ संसदमा दर्ता गरिएको कार्यलाई उच्च सम्मान गर्दै साँसदहरुले सर्वसम्मत संसदबाट अनुमोदन गराउने विश्वास व्यक्त गरेका छौ, भन्ने उल्लेख गरिएको छ ।

यसैगरी प्रदेश ५ को पश्चिमी जिल्ला बर्दिया सभापति संजय कुमार गौतमले प्रेस बिज्ञप्ती जारी गर्दै प्रदेश सरकारको नाम र स्थान प्रस्ताव गरेको प्रति आफुले सकरात्मक रुपमा लिएको उल्लेख गर्नुभएको छ । बर्दियाबाट संघीय संसदमा प्रतिनिधित्व गर्ने पूर्व मन्त्री समेत रहनु भएका गौतमले प्रदेश ५ को प्रस्तावीत नाम र राजधानी भौगोलिक हिसावले प्रदेशका सबै जिल्लाको सुलभ पहुँच हुने उल्लेख गर्नुभएको छ ।

बिज्ञप्तीमा उक्त प्रस्तावलाई बद्र्धिया काँग्रेसले सकरात्मक रुपमा लिएको उल्लेख गरिएको छ । प्रस्तावीत नाम र स्थानलाई प्रदेशसभाबाट पारीत गरी कार्यान्वयनमा लैजान माग समेत गरिएको छ ।