मदिराको आयात खोल्ने सरकारको तयारी

2020-09-28

काठमाडौं - सरकारले मदिराको आयात खोल्ने तयारी गरेको छ। करिब ७ महिनायता रोकिएको रक्सीको आयात खुला गर्ने तयारी अघि बढाइएको हो। कोरोना भाइरस संक्रमण रोकथाम र नियन्त्रणका लागि लकडाउन गरेसँगै सरकारले विदेशी मुद्राको सञ्चिती कम हुने ५० हजार डलरभन्दा महँगा गाडी, सबै किसिमका रक्सी, छोकडा, केराउ र मरिचको आयात रोकेकाे थियो।

औद्योगिक प्रयोजनका लागि ल्याइने मरिचको आयात खुलिसकेको छ भने सरकारले निर्णय गर्नुअघि आयातको प्रक्रिया थालिएका केराउ र छोकडा पनि भित्रिन दिने निर्णय भइसकेको छ। 'अब मदिराको आयात पनि खुला गर्ने विषयमा केही दिनमा मन्त्रिपरिषदमा प्रस्ताव लैजाने तयारी भएको छ,' उद्योग वाणिज्य तथा आपूर्ति मन्त्रालय स्रोतले भन्यो, 'दसैं अगाडि नै यो निर्णय हुन्छ।'

नेपालमा विदेशबाट महँगा मदिरा भित्रिने र त्यसको असर विदेशी मुद्रा सञ्चितिमा पर्ने भन्दै आयात रोक्ने निर्णय भएको थियो। मदिरा तथा मदिराका कच्चा पदार्थ गरी वार्षिक ५ अर्ब रूपैयाँभन्दा धेरैको आयात हुने गरेको छ। त्यसबाट सरकारले मासिक ५० करोड रूपैयाँको हाराहारीमा राजस्व संकलन गर्ने गरेको थियो।

वाणिज्य र अर्थको 'इगो'
चैत ११ गतेबाट लकडाउन गरिएसँगै विदेशी मुद्राको चाप पर्न नदिन अर्थ मन्त्रालयले केही वस्तुको आयात रोक्ने प्रस्ताव मन्त्रिपरिषदमा लगेको थियो। अर्थ मन्त्रालयले मन्त्रिपरिषदमा लगेको प्रस्तावमा सवारी साधन, केराउ, मरिच, छोकडालगायतको आयात रोक्ने उल्लेख थियो।

प्रस्तावमाथि मन्त्रिपरिषदमा छलफल गर्ने क्रममा संघीय मामिला तथा सामान्य प्रशासनमन्त्री हृदयेश त्रिपाठीले भने, 'गाडीको आयात रोकिएपछि रक्सीको किन नरोक्ने?'

मन्त्री त्रिपाठीको प्रस्ताव सुनेपछि प्रधानमन्त्री केपी शर्मा ओलीले तत्कालीन अर्थमन्त्री युवराज खतिवडातर्फ हेर्दै भने, 'प्रस्तावमा रक्सी पनि थप्नुस्।' मन्त्रिपरिषदमा छलफलपछि निर्णय लेखियो, '५० हजार डलरभन्दा महँगा गाडी, सबै प्रकारका रक्सी, केराउ, छोकडा र मरिचको आयात रोक्ने।'

वस्तुको आयात राेक्ने निर्णय आफ्नो क्षेत्राधिकारको विषय भन्दै उद्योग, वाणिज्य तथा आपूर्ति मन्त्रालयले अर्थ मन्त्रालयसँग असन्तुष्टि पोख्यो। आयात स्थगन गरिएकामध्ये औद्योगिक प्रयोजनको मरिच आयात खोल्ने निर्णय उद्योग मन्त्रालयकै सिफारिसमा भएको थियो।

'प्रस्ताव वाणिज्य मन्त्रालयले लैजानुपर्ने हो, उसैले लैजान्छ होला,' अर्थ मन्त्रालयका एक अधिकारीले भने, 'रोक्ने बेलामा हामीलाई नसोध्ने, अब हामीले खोल्नुपर्ने भन्ने वाणिज्य मन्त्रालयको भनाइ छ, तर उहाँहरूले नै प्रस्ताव पठाउनु हुन्छ।'




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ


अधिकांश विदेशी च्यानल बन्द, आइपिएल र इपिएल हेर्न नपाइने

काठमाडौं - शुक्रबार मध्यरातपछि नेपालमा प्रशारण हुने विदेशी च्यानल विज्ञापनरहित (क्लिन फिड) नियम लागू भएको छ। यससँगै अधिकांश विदेशी टिभीको प्रशारण तत्कालका लागि रोकिएको छ। विज्ञापन

दुर्गाभवानीको विशेष पूजाराधना गरी भव्यरुपमा मनाइंदै महाष्टमी

काठमाडौं - आश्विन शुक्ल अष्टमीका दिनमा मनाइने महाष्टमी पर्व शनिबार नेपालीले बडादसैंका रुपमा दुर्गाभवानीको विशेष पूजाराधना गरी भव्यरुपमा मनाउँदैछन्। बडादसैंको आठौं दिन शुक्रबार महाकाली, महालक्ष्मी र

बाबुराम र हिसिला यमीलाई कोरोना संक्रमण

काठमाडौं- पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष बाबुराम भट्टराईलाई कोरोना संक्रमण भएको छ। पूर्वमन्त्री तथा भट्टराईकै पत्नी हिसिला यमी पनि संक्रमित भएको डा भट्टराईले

कर्णालीमा थप अन्योल : मुख्यमन्त्री शाहीलाई ओली र प्रचण्डको बेग्लाबेग्लै पत्र

काठमाडौं, कार्तिक ६ - सत्तारुढ नेपाल कम्युनिस्ट पार्टी (नेकपा) को कर्णाली प्रदेशमा उत्पन्न विवादको समाधान बिन्दु खोज्न असफल पार्टी अध्यक्षद्वय केपी शर्मा ओली र पुष्पकमल दाहाल

लुम्बिनी प्रदेशको हिउँदे अधिवेशन देउखुरीमा राख्ने तयारी

बुटवल - लुम्बिनी प्रदेशको हिउँदे अधिवेशन प्रादेशिक राजधानी देउखुरीमा राख्नेबारे गृहकार्य शुरु भएको छ । स्थायी राजधानीको टुंगो लागिसकेका अवस्थामा प्रदेशसभा बैठक सञ्चालन गरेर स्थायी राजधानीको

विपन्न नागरिक भन्छन् : दशैँ कसरी टार्ने ?

टीकापुर नगरपालिका –१ एकतानगर शिविरकी धनकला विक टाउकामा धान बोकेर मिल दौडिइन् । दशैँको सप्तमीका दिन धनकलाले छिमेकीसँग २० किलो धान सापटी मागिन् र कुटाउनका

दशैँको टीकाको शुभ साइत बिहान १०:१९ बजे, मौसम सफा रहने

काठमाडौँ - बडादशैँको टीकाको शुभ साइत कार्तिक १० गते सोमबार बिहान १०:१९ बजे उत्तम भनेको छ । नेपाल पञ्चाङ्ग निर्णायक समितिले सो जानकारी दिएको हो

धरानमा कोरोनाबाट पाँच बर्षीया बालिकाको मृत्यु

काठमाडौँ - धरानको बीपी कोइराला विज्ञान प्रतिष्ठानको कोभिड अस्पतालमा एक कोरोना संक्रमितको उपचारको क्रममा मृत्यु भएको छ । शुक्रबार साँझ ७ः५० मा उपचारका क्रममा सन्दरहरैचा मोरङकी